ശതാബ്ദി ആഘോഷത്തിന്റെ നിറവിലാണ് ഗവണ്മെന്റ് യു.പി.സ്കൂള് പടിഞ്ഞാറ്റുംമുറി. 1912 ല് എഴുത്ത് പള്ളിക്കൂടമായി തുടങ്ങിയ വിദ്യാലയം ഇന്ന് അഞ്ഞൂറിലധികം കുട്ടികള്ക്ക് അക്ഷര വെളിച്ചം നല്കുന്നു. ഇവിടെ നിന്ന് പഠിച്ചിറങ്ങിയ ഒരുപാടു പേര് ഇന്ന് ഉയരങ്ങളില് തിളങ്ങുന്നു. അനേകം പ്രഗല്ഭരായ അധ്യാപകരും പ്രധാനാധ്യപകരും ഈ വിദ്യാലയത്തില് സേവനം ചെയ്തു. സ്കൂള് പടിപടിയായി ഉയര്ന്നു. ഒരു ഹൈസ്കൂളിന്റെ പ്രൌഡി ഇന്നിതിന് ഉണ്ട്. ഹൈസ്കൂള് ആയാല് മതി.
സംസ്ഥാനത്ത് നല്ല രീതിയില് പ്രവര്ത്തിക്കുന്ന 100 വിദ്യാലയങ്ങളില് ഒന്നെന്ന ബഹുമതി സീമാറ്റ് നല്കിയിട്ടുണ്ട്. അകാടെമിക് കാര്യങ്ങളില് ജാഗ്രത പുലര്ത്തുകയും നവീന മാര്ഗങ്ങള് തേടുകയും ചെയ്യുന്ന വിദ്യാലയമാണ് ഇത്. എല്ലാ മാസവും ക്ലാസ് പി.ടി.എ ചേര്ന്ന് ക്ലാസ് റൂം പ്രവര്ത്തങ്ങള് രക്ഷിതാക്കള്ക്ക് മുന്കൂട്ടി പ്രിന്റ് ചെയ്തു നല്കുന്ന, ഒരു പക്ഷെ കേരളത്തിലെ ഏക വിദ്യാലയം ഇതായിരിക്കും. ഈ വിദ്യാലയത്തിലെ റേഡിയോ പടിഞ്ഞാറ്റുംമുറി വളരെയധികം ശ്രദ്ധിക്കപ്പെട്ടിരിക്കുന്നു. അതിനായി എല്ലാ ക്ലാസ് മുറികളിലും ഓഡിയോ സംവിധാനം ഒരുക്കിയിരിക്കുന്നു. സ്കൂള് ഒരു പെടഗോഗി പാര്ക്ക് ആക്കി മാറ്റാന് അധ്യാപകരും രക്ഷിതാക്കളും പൊതു സമൂഹവും ഒത്തൊരുമിച്ചു പ്രവര്ത്തിച്ചു വരികയാണിപ്പോള്. ലക്ഷ്യത്തിലെത്താന് ഈ ശതാബ്ദി ആഘോഷവും ഒരു നിമിത്തമാവുമെന്ന പ്രതീക്ഷയിലാണ് എല്ലാവരും.
ബഹുമാനപ്പെട്ട കേരള വിദ്യാഭ്യാസ മന്ത്രി ജനാബ് പി.കെ. അബ്ദുറബ്ബ് 2012 ജനുവരി 9 നു കാലത്ത് 10.30 നു ശതാബ്ദി ആഘോഷ പരിപാടികള് ഉദ്ഘാടനം ചെയ്യുന്നു. പരിപാടിയില് മുഖ്യാതിഥി നമ്മുടെ ബഹുമാനപ്പെട്ട എം.പി ശ്രീ എം.കെ രാഘവന് ആണ്. അധ്യക്ഷന് ശ്രീ എം.കെ.ശശീന്ദ്രന് (ബഹു. എം.എല്.എ, എലത്തൂര് മണ്ഡലം). ശതാബ്ദി മരം നടുന്നത് ബഹുമാനപ്പെട്ട കോഴികോട് ജില്ല പഞ്ചായത്ത് പ്രസിഡന്റ് ശ്രീമതി കാനത്തില് ജമീല. ബ്ലോഗ് ഉദ്ഘാടനം ശ്രീമതി കെ.കമലം (ഡി.ഡി.ഇ കോഴിക്കോട് ). കലണ്ടര് പ്രകാശനം ശ്രീമതി പി.ഗൌരി (ഡി.പി.ഓ കോഴിക്കോട്). ജില്ല പഞ്ചായത്ത്, ബ്ലോക്ക് പഞ്ചായത്ത്, ഗ്രാമ പഞ്ചായത്ത് മെമ്പര്മാര്, വിദ്യാഭ്യാസ മേലധികാരികള്, വിവിധ രാഷ്ട്രീയ പാര്ട്ടികളുടെ പ്രധിനിധികള് തുടങ്ങിയവര് ആശംസകള് അര്പ്പിക്കുന്നു. ആഘോഷ കമ്മിറ്റിയുടെ ചെയര്മാന് ശ്രീ എം.രാജേന്ദ്രന് സ്വാഗതം പറയുന്ന പരിപാടിയില് സ്കൂളിന്റെ പ്രവര്ത്തന റിപ്പോര്ട്ട് അവതരിപ്പിക്കുക പ്രധാനാധ്യാപിക ശ്രീമതി എ.ഉഷാദേവി ആണ്. പ്രോഗ്രാം കമ്മിറ്റി കണ്വീനര് ശ്രീ ഹരിദാസന് നന്ദി പറയുന്നതോടെ ചടങ്ങ് അവസാനിക്കും.
No comments:
Post a Comment